ಬೆಂಗಳೂರು ನವೆಂ11 :ಕಿಚ್ಚ ಸುದೀಪ್ ಅಭಿನಯದ ಬಹು ನಿರೀಕ್ಷಿತ ಸಿನಿಮಾ “ಮಾರ್ಕ್” ಬಿಡುಗಡೆಯಾಗಿ ನಾಲ್ಕನೇ ದಿನಕ್ಕೂ ಬಾಕ್ಸ್ ಆಫೀಸ್ನಲ್ಲಿ ಭಾರೀ ಸಂಚಲನ ಮೂಡಿಸಿದೆ. ರಾಜ್ಯದಾದ್ಯಂತ ಅಭಿಮಾನಿಗಳ ಸಂಭ್ರಮ, ಟಿಕೆಟ್ ಕೌಂಟರ್ಗಳ ಮುಂದೆ ಉದ್ದ ಸಾಲುಗಳು, ಹಾಗೂ ಸಾಮಾಜಿಕ ಮಾಧ್ಯಮಗಳಲ್ಲಿ ಚಿತ್ರಕ್ಕೆ ಸಿಕ್ಕಿರುವ ಅಸಾಧಾರಣ ಪ್ರತಿಕ್ರಿಯೆ ಚಿತ್ರರಂಗದಲ್ಲಿ ಹೊಸ ಚರ್ಚೆಗೆ ಕಾರಣವಾಗಿದೆ.
ಚಿತ್ರ ಬಿಡುಗಡೆಯಾದ ಕ್ಷಣದಿಂದಲೇ ಸುದೀಪ್ ಅಭಿಮಾನಿಗಳು ಟಾಕೀಸ್ಗಳ ಮುಂದೆ ಕೇಕ್ ಕತ್ತರಿಸಿ, ಪಟಾಕಿ ಸಿಡಿಸಿ, ತಮ್ಮ ನೆಚ್ಚಿನ ನಟನ ಪೋಸ್ಟರ್ಗಳಿಗೆ ಹಾಲು ಹಾಯಿಸುತ್ತಿದ್ದಾರೆ. ಬೆಂಗಳೂರಿನಿಂದ ಹಿಡಿದು ಮಂಗಳೂರಿನವರೆಗೆ ಎಲ್ಲೆಡೆ “ಮಾರ್ಕ್ ಫೀವರ್” ಮುಂದುವರೆದಿದೆ.ಚಿತ್ರವು ತನ್ನ ಕಥಾವಸ್ತು, ಸುದೀಪ್ ಅವರ ಶೈಲಿ ಹಾಗೂ ಆ್ಯಕ್ಷನ್ ದೃಶ್ಯಗಳಿಂದ ಪ್ರೇಕ್ಷಕರ ಮನ ಗೆದ್ದಿದೆ.
ವಿಮರ್ಶಕರೂ ಚಿತ್ರಕ್ಕೆ ಉತ್ತಮ ಅಂಕ ನೀಡಿದ್ದು, “ಮಾರ್ಕ್” ಕೇವಲ ಒಂದು ಮಸ್ಸಿ ಎಂಟರ್ಟೈನರ್ ಅಲ್ಲ, ಭಾವನೆ ಮತ್ತು ಸಂದೇಶಗಳ ಸಮನ್ವಯದಲ್ಲಿರುವ ಚಿತ್ರ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಮಲ್ಟಿಪ್ಲೆಕ್ಸ್ಗಳು ಮತ್ತು ಸಿಂಗಲ್ ಸ್ಕ್ರೀನ್ಗಳಲ್ಲಿಯೂ ಹೌಸ್ಫುಲ್ ಶೋಗಳು ಮುಂದುವರಿದಿದ್ದು, ಶನಿವಾರ-ಭಾನುವಾರ ಟಿಕೆಟ್ ದರಗಳೇ ಏರಿಕೆಯಾದರೂ ಅಭಿಮಾನಿಗಳು ಆಸನಕ್ಕಾಗಿ ಹೋರಾಟ ನಡೆಸುತ್ತಿದ್ದಾರೆ.
ಚಿತ್ರ ಬಿಡುಗಡೆಗೊಂಡು ನಾಲ್ಕು ದಿನಗಳಲ್ಲಿ ರೂ. 45 ಕೋಟಿಗೂ ಹೆಚ್ಚು ಗಳಿಕೆ ಸಾಧಿಸಿರುವ ವರದಿಯೂ ಹೊರಬಂದಿದೆ. ಸಿನಿಮಾದ ನಿರ್ಮಾಪಕರು ಸಾಮಾಜಿಕ ಜಾಲತಾಣದಲ್ಲಿ ಕೃತಜ್ಞತೆ ವ್ಯಕ್ತಪಡಿಸಿ, “ಮಾರ್ಕ್ ನಮ್ಮ ತಂಡದ ಪರಿಶ್ರಮದ ಫಲ. ಸುದೀಪ್ ಅವರ ಅಭಿನಯ ಹಾಗೂ ಅಭಿಮಾನಿಗಳ ಪ್ರೀತಿ ಈ ಯಶಸ್ಸಿನ ಕೀಲಿಕೈ,” ಎಂದು ತಿಳಿಸಿದ್ದಾರೆ.
